काँग्रेसला पुन्हा झटका... इब्राहिम भय्या पटेल यांनी दिला राजीनामा
काँग्रेसला पुन्हा झटका... इब्राहिम पटेल यांनी दिला राजीनामा
औरंगाबाद: मागील अनेक वर्षांपासून काँग्रेसचा तिरंगा खांद्यावर घेवून शहरात काँग्रेस मजबूत करण्यासाठी योगदान देणारे शहर जिल्हा काँग्रेस कमेटीचे उपाध्यक्ष तथा किराडपूरा वार्डाचे माजी नगरसेवक इब्राहिम पटेल यांनी औरंगाबाद शहराचे नामांतराला विरोध केला नसल्याने आज आपल्या पदाचा राजीनामा दिला. यामुळे मुस्लिम बहुल वार्डात काँग्रेसचे मोठे नुकसान झाले आहे. अनेक कार्यकर्त्यांनी अन्य पक्षात प्रवेश करुन विविध पदावर पोहोचले तरीही पटेल यांनी काँग्रेसमध्ये राहुन एकनिष्ठ पणे काम करत होते. पण महाविकास आघाडी सरकारच्या शेवटच्या कैबिनेट बैठकीत औरंगाबाद आणि उस्मानाबाद शहराच्या नामांतराचा निर्णय घेतला असल्याने मुस्लिम समाजात नाराजी पसरली आहे. शहरातील शेकडो पदाधिकारी यांनी आपल्या पदाचे राजीनामे दिले आहे. काँग्रेसला शहरात झटक्यावर झटके बसत असताना वरिष्ठ नेत्यांकडून राजीनामा सत्र रोखण्यासाठी कोणतेही प्रयत्न होताना दिसत नाही.
